يا قاهرة
ضمى شوقى مابين أديكى
قلبى بينادى عليكى
دى المآذن والكنايس
والأماكن
فيها لسه حلمى ساكن
سحر نادانى للقاكى
لأجل أحلم بالتاريخ
بين علومك بين تراثك
وف دفاكى
صحوتك مابين جنابى
يا اللى شمسك
سرها خايل عنيه
يا اللى ليلك
لسه بيضلل عليّه
يا حبايبى ويا صحابى
آه يادارى
بين شطوطك عمرى جارى
ويا نيلك ذكرياتى
يطوى جوايا انصهارى
ضمى شوقى ما بين أديكى
قلبى بينادى عليكى
ع العطور اللى فيها
نفحة جاية
م الحسين والسيدة
باشوفها دايما ف المنام
طرحه بيضه منورة
قلبى بينادى عليكى
يا شوارع يا حوارى
يا حكايات الزمن
لسه فاكرة
يا عيون يا شفايف
قلبى عمره ما يبقى خايف
لما تبقى محوطانى
ضمى شوقى ما بين أديكى
قلبى بينادى عليكى
ليست هناك تعليقات:
إرسال تعليق