زراير تجمل
عراوى وخيوط
ملامحك تفوت
وألاقى عيوبك
ف قلب الزراير
وتبقى أنت حاير
ف وسط الدواير
ف دايرة حياتى
ف غنوة باقولها
ف دمعة عيونى
زراير تقول لك
وتفتح ف قلبك
طريق له مهالك
لكنى، لكنك
بقلبى، بقلبك
بعقلى، بعقلك
نعقد خيوطها
ونقسم حدودها
ونحكم عليها
تكون ف الإطار
ويبقى ما بيننا
زراير
ف ضوء النهار
لأسباب كثيرة
لأنك أمير
لأنى أميرة
فلازم يكون
ما بيننا حكاية
ف ريشة وقصايد
ولوحة بتعشق رتوش البداية
وتبقى النهاية ما بين الزراير
ليست هناك تعليقات:
إرسال تعليق