لمحة بداية
فانوسى طيفه قرب فتننى
خد حته منى بلبل نادانى
لمعت نجومى ف جو تانى
سحرت عيونى لمحة بداية
فرشت بساطى مرمر زمانه
شالنى ف خياله وركب حصانه
خدنى لطفولتى ولقيت عروستى
بايته ف حضنى ترمش بعينها
ضميت شفايفى على طرف حيرتى
ولقيت حروفى بتجيب ف سيرتى
مبدورة ذكرى ف كلام وفكرة
ولسه فاكره حلمى لبكرة
آه يا غنايا خدنى لصبايا
دا الوقت عدا
بشويش يا ساعة
حأقفل بيبانى
دا الحلم صاحى
لسه ف منامى
ليست هناك تعليقات:
إرسال تعليق