حبيبتي الحرية
محتاجة أتخلى عن بروازى
وشكلى التقليدى
ومرايتى وألوانى ف لبسى
وحاجات باعملها يوماتى
وجمل دايماً تتكرر
وأتخلى عن بند
صباح الخير يا مشاغل
ومساء الخير يا هموم
وكأنى فى إطار محصور
من يوم ما وعيت بيدور
على طول وبشكله النمطى
حاططنى ف العبودية
واجب ولوازم دورية
وأوامر اجتماعية
مخنوقة ومحتاجة
أفركش صورى الموجودة
المحدودة الأثرية
نفسى أكسر بروازى
وأجرى بسرعة
أعمل حفرة
أدفن أقنعتى وأشكالى
وأحوالى أو أصرخ
وأنادى ع الحرية
ليست هناك تعليقات:
إرسال تعليق