الصدر الحاني
الشمس بتحضن
طرف الليل ف لقاها
وبتاخده ينام
جوا دفاها
بتضمه ف قلب الصدر الحانى
ويبقى سواده ف ذكرى امبارح
وبحيوية وصوره الحية
نصحى ويا إشارة صبح
قبل ما تطفى نور اللحظة
نملى نفوسنا
بجد ولهفة
نرمح ويا لقمة عيشنا
نملا بيها جوف الواقع
وف أحوالنا وطول اليوم
نبقى آلات أو تبلوهات
براويز باهته
حسب الدور أو حسب الخطة
نفضل نجرى
لحد ما يزهق طرف الليل
من حضن الشمس
ويقوم يجرى
ويفرد نفسه ويا غروره
يعلن لونه
يلملم جوا عبايته شعاع
ويطوى ف خيطها لحد الفجر
ونفضل نحبى، نمشى، نجرى
لحد ما نبقى فى ذكرى الأمس
ليست هناك تعليقات:
إرسال تعليق