صفحات العشق
مع أنى طويت صفحات العشق
إنما مش عارفه ليه
باتشد إليك
وعيونك بتنادى عيونى
عايزة تكشف جواها حاجات
ف معنى مش محتاج لكلام
أو نوبه الهام
لحظة سحرية تتحس
وأنا باتشد إليك
وباحاول اصطاد الحرف
وكسوفك دا بيبحلق فىّ
بيقولى لى جُمل
وكأنى جمله غنية
ف وسط كتاب
أو عالم مبدور بالجنة
وصفاء النفس البشرية
أو طير فرحان بوليفته
وياه مفتاح الدنيا
أو قلبى مينا
رايح يرسى عليها
مراكب قلبك
مفتونة وحاسه
بأنى باعيش
يمكن بالقى ف حضن عيونك
سكة سفرى
وأنا
بأتشد إليك
ليست هناك تعليقات:
إرسال تعليق