نغمشة
قشعريرة فيها خوف
رغوشات بيها نلوف
ويا زعابيب النفوس
انكسر كل التناغم بالفلوس
انفلت منا الوضوح
كل شئ حسب الظروف
واللى مألوف يستحيل
نقراه ما بين خط الكفوف ـ إنما
يتوجد فى ذبذبات رنة شجن
سر ترانيم الحياة لما أنكتم
خنق الأمم
والتناقض طلع الدخان علينا
الزمن بيفر ليه من بين أدينا
والجنون ف القلب شاعر
أد إيه العمر موجوع م الزمن
والحقيقة كلنا..
فى حاجة ماسة
لكف عافى يضمنا
ليست هناك تعليقات:
إرسال تعليق