شمسي
لازم أصرخ
آه وأتمرد
أبعد وأخرج
روح وأتجرد
من سياساتى
قبل ما أفقد زهر حياتى
مش حاخضع لك
وأبقى صورة من أسرارك
وتبرمجنى على أفكارك
أتعودت أكون موجودة
ليا كيانى ومش محدودة
ولا مسجونة جوه جدارك
وأصدق بسذاجة حوارك
مهما حيحبطنى مشوارك
حتناقش بثبات وأقرر
برضه حادافع عن موروثى
وأحافظ على كل طقوسى
مهما يكون الفرح أتغرب
برضه أنا حارجع
تانى وأقرب
مش حاخسر أبداً وأسلم
وأتناقض وأبكى وأستسلم
أصل ما أحبش أكون مهزومة
شايله ورايا أمور مهمومة
أتعودت أكون إنسانة
ما أقبلش على نفسى إهانة
ليا طريقى وليا كيانى
طموحاتى وذاتى وآمالى
تتحدى الدنيا البهتانه
راح أدافع عن كل حقوقى
وأثبت لك أن أنا موجودة
ليست هناك تعليقات:
إرسال تعليق