ترمح فى سطور العمر
وف ساعة بدرية
عايمة على وش الميه
بتنادى شقشقة الصبح
وتزقزق حوالين جدران
وتناجى الشقيان
أتحرك من تحت السقف
أفتح شبابيك الأسر
أطلق أنوار العين
ف بلاد..
مرصوف شوارعها عرق
ترمح ف سطور العمر
مكتوب بأدين تنحت ف الصخر
وبتشرب عرق المر
عوم..
ف التزامات اليوم
بس أعرف أمتى إزاى
تحسبها تمام
علشان..
وعلشان تصبح إنسان
كلمة غرقان
ماتكنش ف خطك
ترجع تانى وتلوم
دا الستر ما زال بيدور
إزاى يرضى المحروم
ليست هناك تعليقات:
إرسال تعليق