حلم ولا علم
يا ويل قلبى
من الطوفان
يا شوق جارف محاوطنى
يمد حنان ف أطرافى
شفايف رايحة تندهنى
تسرسبنى
ألاقى روحى فى روحه
تطوقنى
فى حلقى سنين
تنسينى بأنى كنت
أو راح أكون
وتعلا بيا فوق الكون
وتتشاقا نجوم ليلنا
ما أحسش إلا بوجودك
بيوجدنى وياخدنى
ويرمح جوا مملكتى
تعدى ويا أفكارى
أسيب النوم
أتارى الحلم ساحبنى
ولفلفنى فى محيط عافرنى
وأنا شرقانة
من الطوفان
ليست هناك تعليقات:
إرسال تعليق