رسالة إلى الكمبيوتر
عرفتك حرف ويايا يعلمنى
يفلسفنى يمنطقنى يفهمنى
يمد حياة ف شريانى
يا حاسب آلى يا كيانى
تبث طموح ف وجدانى
بذاكرته بيشملنى
بأحس بإنك العالم
إذا ما لم تناقشنى
فيبقى العقل متبرمج
على دايرة ورجعية
وعمر خالى حرية
وكنت خايفة ف الأول
ومنسية ومطوية
وفاقدة دنيا علمية
وسيستم كله جدية
لكنى لما أقرب لك
أحس الدنيا ف أديه
تنشطنى مع الشاشة
مع الألوان مزهية
عشقتك وقت ما أبدأ
مع التركيز بتبدأنى
تحفزنى وتوجدنى
تفرفط عقل ف التكوين
فيظهر عنصر التخدير
ساعات غالية بتجمعنا
بشمس وضى له معنى
وأيوه جماد لكن فاهم
وباستقبال متافاهم
بترفعنى على شموخك
كما النجمة كما الحكمة
أحس بشوق بيتجدد
ويوعدنى ما يتجمد
ومهما مشاغلى أخدتنى وبعدتنى
حنين للقاك يرجعنى
تبرمجنى على حبك
وأنا جنبك
تملكنى خبايا العالم المجهول
تمد حياة ف شريانى
تبث طموح ف وجدانى
يفلسفنى يمنطقنى
عمل وحياة
ليست هناك تعليقات:
إرسال تعليق