ملامح فجر
كتبتك فوق سطور عمرى
ملامح فجر
ومديت لى شعاع دافى
بيطوى لى صعاب الهجر
ما بين الشمس وغروبها
غزلتك جوا تكوينى
بتهدينى وتحمينى وترضينى
تحوطنى تعلينى
تخلينى كما النجمات
شفايفك لما تندهنى
وحشتينى
تفر الدمعة من عينى
وتسبقنى
بأنهارك بتسقينى
وتخلق لى ساعات الحلم بستانى
وتوعدنى بلهفة قلبك المفتوح
ما تجعل عمرى يوم مجروح
وصدقتك وأحساسى بيندهلك
كتبتك فوق سطور عمرى ملامح فجر
بتتقابل مع الصدفة
وتبدر ف السلام لهفة
يغرد فينا طير الحب
يدوبنا ف همس القلب
تطوقنا أحاسيسنا
حاجات ياما تقربنا
تشرقنا تغربنا
وتجمعنا مشاعرنا
ليست هناك تعليقات:
إرسال تعليق